بەڕێزان من لەوانەیە بتوانم قەناعەت بە لیپرسراوی فەرمانگەکەی خۆمان بکەم هاوکاریمان بکات چونکە تا ڕادەیەک کراوەیە بۆ نوێکاری و توێژینەوە بەڵام پێویستم بە زانیاری زیاترە لە بەڕێزتانەوە کە پێویستیتان بە چییە، جونکە تواناکانمان لەبەرامبەر پرۆژەکانی ئێوە هەستەکەم سنوردارە؟
کورتەیەک لەسەر فەرمانگەکەمان: ئێمە فەرمانگەیەکین بەشی ئایتی بەشێکی گەورە نییە تیایدا بەڵکو لە 3 کارمەند و سەرۆک بەشێک(بوون و نەبوونی وەک یەکە) پێکهاتوین بەلام فەرمانگەکە زیاد لە 109 فەرمانبەری هەیە و ئەوەندەش کۆمپیوتەر و ئامێرەکانی تری سەر بە ئایتی کە هەربەوا ڕادەگەین کێشەکانیان چارە بکەین.
لەبواری وێب یەک فەرمانبەرمان هەبوو ماوەی ساڵێکە مۆڵەتی خوێندنە! لەبواری پرۆگرامین کە لەڕاستیدا ئیشی منە، وابزانم لە 10 دێڕ تێناپەڕیت کۆدەکانی کە نوسیومە لە 8 ساڵی ڕابردوودا ئەویش جەند ماکرۆیەک بوون بۆ پڕۆژەیەکی ئەکسێس کە خۆم پێشنیارم کرد و بە ساوایی لەناو چوو کەس نەبوو بەردەوامبێت لەسەر تازەکردنەوەی داتاکانی لەبەشی خۆیی. بواری نێتوۆرکینگ هەرسیکمان بەردەوام خەریکی سێرڤەرەکانمانین و هەڕۆژەو شتێکی لێوە فێردەبین!
ئینجا پرسیاری من لە ئێوە:
1. سەبارەت بە وەرگێڕانی پرۆگرامەکان مەبەست چییە؟ لەکوێ دەتوانم نموونەیەک ببینم کە ئەوکارە چۆن دەکرێت؟ تەنها گۆڕینی زاراوەکانە؟ یان چۆن چۆنییە؟
2. سەبارەت بە دیکتۆ، بۆ نمونە هیچ سودی هەیە ئەگەر من 5 کەس تەرخانبکەم ڕۆژی یەکی 20 وشە لە فەرهەنگی کەمالنامە وە داخڵ بکەن بۆ دیکتۆ؟ ئەمە دەتوانم بڵێم کارێکە کە دەکریت بەڵام لەهەمان کاتدا ئەوفەرمانبەرانە دەبێت بە فەرمی تەرخانبکرێن و بۆ ئەوەی پەیوەست بکرێن بە کارەکەوە ئایا هیچ پێشنیارێکی ئامادەتان هەیە من بەرزی بکەمەوە؟ کاک هیوا باسی بڕی 15000 دۆلاری کرد، تێنەگەیشتم ئەو تێچونە بۆ چییە!
3. سەبارەت بە پرۆژەی فێرکردنی مناڵان بۆ کۆد کردن لەبەرئەوەی لێرە بەڕێوبەرایەتی پەروەردە هەموو کارێک دەکات و ئێمە سەربەوان نین نازانم چۆن مرۆڤ هەنگاوی بۆ بنێت بەڵام ئەوەنەی ئاگاداربم پەیمانگایەکی کۆمپیوتەر هەیە سەر بە وەزارەتی پەوەردەیە، نازانم بەڕیزتان ئاگادارن یان نا، چەند بەشێکی هەیە لەوانە پرۆگرامسازی من بیرۆکەی ئەوەم بۆهات گروپێک لەخوێندکارانی ئەوان پێکبهێنرێت، وەک پڕۆژەی دپلۆمەکەیان لە قوتابخانەیەک یان چەند قوتابخانەیەکدا ئەو پڕۆژەیە تاقی بکەنەوە! حەزم دەکرد خۆم یەکەم کەسبم ئەو کارە بکەم لە قوتابخانەیەکدا بەڵام بەداخەوە ئەو سەربەستییەم نییە و ئەوەی ڕاسیش بێت حەزم لە تێکەڵ بوون بە خەڵک نییە. (وابزانم سیفەتێکی نامۆ نییە لەناو ئایتی دۆستاندا:)
چاوەڕێی پێشنیارتانم بە هیوام لەکاتم زۆر نەبردبن!