تۆ لێرەیت

ماڵەوە هەموو هەواڵەکان

ئیمایلی مردووەکان

hamid

Hamid

بڵاوکراوەتەوە

2005/05/19

دۆخی بوچوون

بۆچوونی نییە

 

کاتێک "Justin Ellsworth" لە شەڕێک لە ناوچەی ئەنباری عێراق دا گیانی لە دەست دا، باوکی"Johan" بڕیاری دا کتێبێک لە بیرەوەری و ئیمایلەکانی کوڕەکەی بنووسێ کە لە ماوەی سەربازیەکەی لە عێراقدا پێکەوە گۆڕیبوویانەوە. هەر بۆیە ویستی ئەو ئێمایلانە کۆ بکاتەوە کە لەو ماوەیەدا لە لایەن خەڵکەوە بۆ کوڕەکەی چووە و کوڕەکەشی بۆ خەڵکی ناردووە. لەبەر ئەوە یاسای "Yahoo" رێگە بە کەس نادا ئێمایلی کەسێکی دیکە بخوێنێتەوە، بێجگە لە خاوەنی ئیمایلەکە نەبێ، باوکی ئەم سەربازە ئامریکایەش بۆی نەبوو ئیمایلەکانی کوڕەکەی لە شیرکەتی یاهوو وەربگرێ، هەر بۆیە دوای هەراوهوریایەکی زۆر، هیچ ئاکامێکی وەرنەگرت."Justin" لە سەرەتای مانگی نوڤەمبەری ساڵی ڕابردوو، دوای کەمتر لە دوو مانگ خزمەتی سەربازی لە عێراقدا گیانی لە دەست دا، لەو کاتەشەوە باوکی لە کێشمەکێشی ئەوەدایە کە ئیمایلەکانی لە یاهوو وەربگرێ، بەڵام مەخابن وڵامی نادەنەوە.باوکی ئەم سەربازە لە وتووێژێک لەگەڵ بی بی سی دا وتی :" کوڕەکەم رۆژژمێرێکی لە مایلەکەیدا هەبوو کە بەسەرهاتی رۆژانەی خۆی تێدا دەنووسیەوە و پێی خۆش بوو دوای خۆی کەس و کارەکەی بیخوێننەوە و بزانن لەو ماوەیەدا چی چێژتووە و چی بەسەر هاتووە، بەڵام سەرەڕای ئەوەش یاهوو ئامادە نییە ئیمایلەکانی کوڕەکەم پێ بدا، دیارە ئەگەر کەسیش تاکوو 90 ڕۆژان چاو لە ئیمایلەکان نەکا، ئەوا دەسڕێندرێنەوە. ئێمە تەنیا دەمانهەوێ بزانین کوڕەکەمان لە کۆتایی ژیانیدا چۆن ژیاوە و بیری لە چی کردووەتەوە و حاڵی چۆن بووە"زۆر کەس لەم پێوەندیەدا خۆیان خەریک کردووە و زۆر کەسیش پێیان وایە کە نابێ بەشێوەیەکی ئوتوماتیک کەسێکی دیکە پاش مەرگی، دەست بە سەر ئیمایلەکانیدا بگرێ. کەسێک لەم پێوەندیەدا لە ماڵپەڕی ئەم بنەماڵەدا "http://www.tankmastergunner.com/index.html " نووسیویە:" چاو لە ئیمایلەکانی خۆتان بکەن و بیری لێ بکەنەوە، ئایا پێتان خۆشە کەسێکی دیکە بیانخوێنێتەوە؟ من لە دڵەوە بنەماڵەکەم خۆش دەوێ، بەڵام بۆیان نیە ئیمایلەکانی من بخوێننەوە."بنکە خزمەتگوزاریەکانی دیکەی ئیمایل لەوانە " AOL و Hotmail" یاسا و ڕێسای تایبەت بە خۆیان هەیە کە مرۆڤ چۆن دوای مردنی کەسێک ئیمایلەکانی مردووەکە بگوازێتەوە بۆ نێو ئیمایلەکەی خۆی. لەوەش دەچێ ئەم یاسایانە لە ئوروپادا وەک ئامریکا قورس و قایم نەبن.زانياری زياتر