شاشە فرەتەنكەكانی سامسۆنگ دەچنە CES
ئەم جۆرە شاشانە زۆر تەنك، هەتا بڵێی سەرنجڕاكێش و نەرمژیون.
بەگوێرەی (گیزمەگ GizMag)، لەكاتێكدا هێشتا ئەم شاشانە ناخرێنە سەر تەلەفۆنە دەستی و تەلەفزیۆنە (HD)ییەكان، بەڵام جووتە بەرنموونەکەی سامسۆنگ نمایشێکی مەزنی تەکنیکی دەبن. چكۆلەکەیان شاشەیەكی ٤.٥ گرێی نەرمژیوە کە تەنیا ٢ میلیمەتر بارسایییەتی و دەکرێت وەكوو تۆمار لوول بکرێت تا ئەوەندەی قامیشێكی هەڵمژینی خواردنەوەی لێدێت.
شاشە گەورەکەیان ناچەمێتەوە، بەڵام بەرنموونە ١٩-گرێیییەکەی بەو وردنمایییە سەرسوڕهێنە کە چوارقات زیاترە لە تەلەفزیۆنە (HD)ییە ئاسایییەكەی ماڵەوەتان، دەتانهەژێنێت.
ئەم دوو پەردەەیە نموونە سەرەتایییەکانی نەوەی نوێی تەکنۆلۆژیای (AMOLED)ن.
لێكدانەوەی وشەكان:
نەرمژیو: ڕەقی نەرمبوو flexible
بەرنموونە: نموونەی بەرایی prototype
بارسایی: بارست، ئەستووری thickness
تۆمار: قاقەزی نووسراوی لوولدراو scroll
سەرچاوە:
بۆچوونەکان
دەستخۆش بۆ ئەو هەواڵە.
قاقەز یا کاغەز
سەرنج ڕاکێشە !
هیچیان پەڕە ,
کاک ئاکار، پەڕە یا لاپەڕە ، ئەوە بە مانای لاپەڕەیەکی پەڕتوکێک دێت، بە عەرەبی (ورقة و صفحة) ن، کاغەز یا هەویری کاغەزم خوێندووە. قاقەزیشم بیستووە، بەڵام پێموایە کاغەز گونجاوترە.
هەردووكیانت دروستن کاك زەندی.
پەڕە یەک پەڕەیە لاپەڕەش لایەکی پەڕەکەیە بەکوردی. هەر پەڕەیەک بریتییە لە دوو لاپەڕە.
دەست خۆش بۆ ئەو هەواڵە