لە ڕابردوودا مایکرۆسۆفت چەند پرۆگرامێکی ئەنتی ڤایرۆسی دروستکرد، بەڵام لە هیچیاندا سەرکەوتنی بەدەستنەهێنا تا پاییزی ٢٠٠٩، بە وەشاندنی (MSE)ە Security Essentials Microsoft .
ئەم ئەنتی ڤایرۆسە دوای ئەوەی لەلایەن ژمارەیەک پسپۆڕانی بواری پاراستنەوە تاقیکرایەوە و ئەنجامەکانی دڵخۆشکەربوون بۆ مایکرۆسۆفت و مەترسیەکیش بوو بۆ زۆربەی کۆمپانیاکانی پاراستن لەوەی مایکرۆسۆفت ئەم بوارەش بۆخۆی پاوەنبکات ، چونکە ئەم ئەنتی ڤایرۆسە بەخۆڕاییە و ئەمەش وادەکات کە زۆرترین بەکارهێنەر بۆخۆی ڕابکێشێت و بازاڕی کۆمپانیاکانی تری پاراستن لاوازبکات.
لە ڕۆژانی ڕابردوودا مایکرۆسۆفت وەشانی دووەمی ئەم ئەنتی ڤایرۆسەی وەشاند ، کە زۆر باشتر و فلتەری زۆربەهێزتری بۆ دروستکراوە بۆ دۆزینەوەو لابردنی هەموو جۆرەکانی ڤایرۆسو و ترۆژان و پرۆگرامە سیخوڕییەکان.
ئەم پرۆگرامە بە خۆڕاییە بۆ بەکارهێنەرانی تایبەت و کۆمپانیا بچووکەکان و تەنانەت پێوسیت بە خۆ تۆمارکردنیش ناکات بۆ داگرتن و بەکارهێنانی، بەڵام دەبێت ویندۆزەکەت ڕەسەنبێت بۆ بەکاربردنی ئەم پرۆگرامە.
کۆمپانیاکان دەتوانن بۆ ١٠ کۆمپیوتەر دایبمەزرێنن وە بۆ کۆمپانیا گەورەکان دەتوانن پرۆگرامی [url=http://www.microsoft.com/forefront/endpoint-protection/en/us/default.aspx]Forefront Endpoint Protection 2010 [/url] بکڕن کە هەمان کاری (MSE) دەکات و هەندێک کرداری زیاتری لە خۆگرتووە .
بە پێی هەندێک لە پسپۆڕان ئەم ئەنتی ڤایرۆسە هیچ کارێکی سیخوڕی بۆ مایکرۆسۆفت ناکات و تەنیا کاری پاراستنی سیستەمە لە ڤایرۆس و کۆدە مەترسیدارەکان.
جێگای باسە ئەم ئەنتی قەبارەکەی ٧،٨ میگابایتە و ڕێژەیەکی زۆر کەم لە بیرگە بەکاردەبات و پشتگیری ویندۆزەکانی XP, Vista و Windows7 - 32/64 Bits دەکات و دەتوانن لەم [url=http://www.microsoft.com/security_essentials/helpTopic.aspx?assetid=24cc0df0-e784-462e-858f-02d093697985&mkt=nb-no]بەستەرە ی مالپەڕی مایکرۆسۆفت دایبگرن [/url]