داکەوتنی سكایپ (Skype) بۆ زۆر لە بەکارهێنەران
دوێنێ بەیانی ژمارەیەکی زۆر ئەو ملیۆنان کەسەی کە پشت بە سكایپ دەبەستن، کێشەیان لەگەڵ دەستڕاگەیشتن بە ڕاژەکەیدا هەبوو.
لە هەژماری تویتەرەکەیدا، بەشگەی سکایپ ئەوەی پشتڕاست کردەوە و نووسی: "ڕەنگە هەندێكتان کێشەی چوونەژوورەوەی سکایپتان هەبێت -ئێمە خەریکی لێكۆڵینەوەین و داوای لێبوردمان دەکەین بۆ پچڕانی گفتوگۆکانتان."
هەندێك لە کارمەندان دەیانتوانی بچنە ژوورەوە، بەڵام هیچكام لە پێوەندییەكانیان نەدەبینی. هاوكات بەکاربەران پەیتاپەیتا و بروسکەئاسا دەیانجریواند سەبارەت بەم داکەوتنەی سکایپ.
پاشتر (كاتژمێر ٣ و ٢٠ خولەکی پاشنیوەڕۆ بە کاتی ڕۆژهەڵات) سكایپ لەسەر بلۆگــەکەی ئاگادارییەکی نووسی تێیدا بەکاربەران دڵنیا دەكاتەوە کە خزمەتگوزارییەكە دەبێت تا چەند کاژێرێکی دیکە بگەڕێتەوە.
سەرچاوە:
بۆچوونەکان
[نوێكردنەوە update] بەپێی ماڵپەڕی (Computerworld) و ئەویش لە زاری سكایپەوە: هێشتا دووسێیەك (٢/٣)ی بەكارهێنەران ناتوانن بچنە ژوورەوە بەهۆی هەندێ کێشە لە سیستەمی هاوتا-بە-هاوتا (P2P)ی پێوەندییەكانی ژێركارەوە، ئەمەیش لە ئاگادارییەکی بگۆگیـدا لە دەوروبەری نیوەڕۆی پێنجشەممە بە کاتی ئەورووپادا ڕاگەیاند.
سکایپ لە دوایین ئاگاداریـشدا دەڵێت لە دوایین کاژێردا، زیادبوونێكی بەرچاوی خەڵکی سەرهێڵی تێبینی کردووە و بەبیریشیان دێنێتەوە کە هێشتا ڕەنگە هەندێك کرداری سکایپ وەکوو چاوەڕوانکراو کار نەکات -سەرهێڵبوونی خەڵك تۆزێك بەدرەنگ دەکەوێت و پەیامەهەنووکەیییەكان پێدەچێت وەکوو باری ئاسایی وا بەخێرایی نەگەنە جێ-. گفتوگۆی ڤیدیۆییی بەکۆمەڵیش ماوەیەکی زیاتر دەخایەنێت تا بگەڕێتەوە باری ئاسایی.