بە هۆی پێشکەوتنی تەکنەلۆجیا و پەیدابوونی کۆمپیوتەر و تەلەفۆنەزیرەکەکان، زۆر کەس پێشبینی دەکەن کە شێوازی نووسینی کۆن ڕووی لە گۆڕستان بێت، بەڵام پێدەچێت بیرۆکەی ئەم پێنووسە هەلپەیەک بێت بۆ مانەوەی پێنووس.
ئەم پێنووسە دیجیتاڵە کەناوی " Lernstift" ی لێنراوە، یارمەتی نووسەر دەدات لەڕاستکردنەوەی هەڵەی پیت و ڕێزمان، کاتێک نووسەر پیتێک هەڵە بکات، پێنووسەکە لەرزەیەک دەکات، بەڵام ئەگەر لەڕێزماندا هەڵەبکات، ئەوا دوو لەرزە دەکات، ئەمەش بەیەکەم پێنووس هەژماردەکرێت کە بۆ ئەم مەبەستە دروست بکرێت.
بیرۆکەی دروستکردنی ئەم پێنووسە لەلایەن ژن و پیاوێکی ئەلمانی بەناوی Falk و Mandy Wolsky دروستبووە، کاتێک بینیاویانە منداڵەکەیان زۆر هەڵە دەکات لەکاتی نووسین.
Lernstift لەسەر بنچینەی سیستەمی لینوکس داڕێژراوەو بەهەردوو شێوە تەکنیکی (کالیگرافی و ئۆرتۆگرافی) هەڵەکان ڕاست دەکاتەوە، کالیگرافی هەڵەی لەبیرچوونی پیتێک ڕاستدەکاتەوە، بەڵام ئۆرتۆگرافی لەهەڵەی ڕێزمانی ئاگادارت دەکاتەوە.

[img]http://img.gfx.no/1125/1125431/digital-pen-11.563x257!.jpg[/img]

ئەگەر تەماشای پێکهاتە و دیوی ناوەوەی ئەم پێنووسە بکەین ئەوا لە چەند بەشێک پیکهاتووە، لەوانە بەشی ڕەنگ و پاتری و دوگمەی داگیرسان و بێ تەل هەروەها سانسۆری لەخۆ گرتووە کە ئاگادارمان دەکاتەوە لە هەڵەکان.
تایبەتمەندەیەکی تری ئەم پێنووسە، پشتگیریکردنی نووسینە لەهەوادا، پێنووسەکە پشتگیری جووڵەی هەوایی دەکات، دوای ئەوەش ناردنی بەشێوەی بێتەل بۆ کۆمپیوتەر.
ئەم پێنووسە دیجیتاڵـــە هێشتا نرخەکەی دیاری نەکراوەو بڕیارە لە مانگی گەلاوێژی ٢٠١٣ دا بنێرێتە بازاڕەوە.
بۆ زیاتر ئاشنابوونتان بەم پێنووسە دەتوانن تەماشای ئەم گرتەڤیدیۆییەی خوارەوە بکەن، بەداخەوە بەزمانی ئەلمانییە.
[youtube]Pp4YELDyeoE[/youtube]