بوونی جۆراوجۆری مۆبایلە هۆشمەندەکان، ئەمڕۆ کڕیار تووشی سەرئێشە دەکا، ئەویش %١٠٠ دەکەوێتەوە سەر بەکارهێنەر خۆی، بە دوای چیدا دەگەڕێ، نرخی هەرزان، کامێرایەکی چاک، تەمەندرێژی باتری، هەمەجۆری نەرمەواڵەکان، ..هتد، لێرە باسی ٥ لە باوترین و نوێترین مۆبایلە هۆشمەندەکانی ئەندرۆید دەکەین لە باشییان و خراپییان.
[b][/b]
[b][img]http://i57.tinypic.com/fapt35.jpg[/img][/b]
[b]HTC One M8[/b]
وەشانی پێشووی HTC One M7 سەرکەوتنێکی بەدەست هێنا و بەکارهێنەری تایبەتی لە دەوری خۆی کۆ کردەوە، ئەم وەشانەش هەروا کۆمەڵێک تایبەتمەندی باشتری هەیە، بەڵام گلەییشی لەسەر هەیە لە هەمان کاتدا، سەیرکەن.
[u]باشییەکانی:[/u] جۆرایەتییەکی بەرز لە دروستکردنی مۆبایلەکە، نەرمەواڵەی کامێرا، هەستەوەری HTC UI 6 (کەمێک جوانترە لەوەی پێشوو)، Motion Launch gestures (جووڵە زیرەکەکان بۆ ئاسانکاری)، بڵندگۆی BoomSound، خێراییەکی زۆر لە کردارکردن، نیشاندانی نایابی LCD3, ٣٢ گێگابایت بیرگەی ناوخۆ لەگەڵ جێگا بۆ میمۆردی کارد، لە کۆتاییشدا بوونی باتەرییەکی مەزن و تەمەندرێژ.
[u]خراپییەکانی:[/u] کەمێک درێژترە لەوەی پێشوو، ڕەقەکاڵای کامێراکەی (دژەلەرزین لادراوە لە لێنزی دووەمی)، دژی ئاو و تۆز نییە، پشتی مۆبایلەکە زۆر خزۆکە لە دەستتدا (لوسە).

[img]http://i57.tinypic.com/280uwjs.jpg[/img]
[b]Samsung Galaxy S5[/b]
سامسۆنگ بەردەوامە لە فرۆشتنی بە ملیۆنانی مۆبایلەکەی، زۆربەی کاتیش بە باشترین و زیرەکترین مۆبایلی هۆشمەندی ئەندرۆید ناوزەند بووە. ببینن. بەڵام لەگەڵ ئەوەش بەکارهێنەرانەی ئەم مۆبایلە هۆشمەندە چاوەڕێی زیاتریان لە Galaxy S5 دەکرد.
[u]باشییەکانی:[/u] نیشاندانی نایابی AMOLED، کامێراییەک بە جۆرایەتییەکی زۆر بەرز، دژە ئاو و دژە تۆز، دەتوانرێ باتری و میمۆری کاردەکەی بگۆڕدرێن، کێشێکی سوک بۆ شاشەیەکی بەوجۆرە گەورە، باترییەکەی زۆر باشی تەمەندرێژ.
[u]خراپییەکانی:[/u] ڕێکخستنەکانی ناو مۆبایلەکە زۆر پەرت و بڵاوە، ناسەرەوەی پەنجەمۆرەکەی کەمێک بێ سوودە، شوێنی ئاگادارکردنەوەکانی زۆر قەرەباڵغە.

[img]http://i57.tinypic.com/jj5je9.jpg[/img]
[b]Sony Xperia Z2[/b]
نیشاندان لە وەشانی پێشووی واتا Z1 زۆر ناپەسەند بوو، ئەمەش وای لە بەکارهێنەران کرد چاوەڕێی زۆر لە Z2 نەکەن، بەڵام Z2 بەم تایبەتمەندییانەی خوارەوە جێگای خۆی کردەوە و پلەیەکی باشی گرتووە.
[u]باشییەکانی:[/u] نیشاندانێکی جوانی IPS LCD, دیزاینێکی کەشخەی مۆبایلەکە لە شوشە و ئاسنی سوک، ئاستێکی نایابی کامێرا، دژە ئاو و دژە تۆز، ٣ گێگابیات ڕام، جێگای میمۆری کارد، دوگمەی جودا بۆ وێنەگرتن، باترییەکی تەمەندرێژ، بوونی فرە-ڕەنگی لە ڕووناکی ناسەرەوەکەی (indicator light).
[u]خراپییەکانی:[/u] بیرگەی ناوخۆی سنووردارە، جێگا و دەرچەی زۆر لە لەشی مۆبایلەکە، نەبوونی کۆنترۆڵ لە ڕێگای تیشکی ژێر بنەوشەیی (infrared remote control).
[img]http://i61.tinypic.com/2nsrhi.jpg[/img]
[b]Moto X[/b]
هەرچەندە کۆمپانیای Motorola زۆر لەمێژ نییە مۆبایلی هۆشمەندی Moto X ـی دەرکردووە، بەڵام جێی خۆیەتی باسی تایبەتمەندییەکانی بکەین، چونکە زۆری هەیە! وە بوونی دیزاینی جۆراوجۆر و ڕەنگاوڕەنگی لە دەرچوونییەوە جوانتری کردووە لەگەڵ ئەوەش کە مۆبایلێکی زۆر ئاسانە لە گیرفاندا.
[u]باشییەکانی:[/u] ئەندازەیەکی زۆر شازی مۆبایلی هەیە (لە درێژی و پانی)، نرخێکی گونجاو، دوگمەکانی کۆنترۆڵ جگە لە هەستەوەرەی دەستلێدان و یاریدەدەری مۆتۆرۆلا، خێرا لە گەیشتنی نوێکارییەکانی ئەندرۆید، کامێراکەت ئیش پێبکە لە چاو تروکانێکدا.
[u]خراپییەکانی:[/u] ناتوانرێ بیرگەی فراوان بکرێ، تەمەنی باترییەکەی سنوردارە، ئاستی کامێرەکەی نزمترە (بە لەبەرچاوگرتنی ئاستی کامێرای مۆبایلە هۆشمەندە باوەکانی تر)، جۆرایەتی نیشاندنی نزمترە.

[img]http://i58.tinypic.com/24d0dud.png[/img]
[b]Google Nexus 5[/b]
ناکرێت باسی باوترین مۆبایلە هۆشمەندەکانی ئەندرۆید بکەی و نێکسوس فەرامۆش بکەی، Nexus 5 مۆبایلێکی زۆر نایابە و لەوەش پشتڕاست کراوەتەوە کە دواترین و نایابترین وەشانی ئەندرۆیدی پێ بگات، هەروەکو ئایفۆن ساڵی جارێک بە Nexus شاد دەبین :) ئەوەش باشیی و خراپییەکانی.
[u]باشییەکانی:[/u] نرخێکی گونجاو، بارگەکردنەوەی بێتەلی ‌Qi, ئاستی کردارکردنێکی بەرز و چێژبینین لە ئەزموونی گووگڵ، خێرا لە گەیشتنی نوێکارییەکانی ئەندرۆید (هەروەکو Moto X).
[u]خراپییەکانی:[/u] ناتوانرێت بیرگەی فراوان بکرێت، تەمەنی باترییەکەی سنوردارە، ئاستی کامێراکەی مامناوەندە (لە ئاستی چاوەڕوانکراو نییە).

هەرچۆنێک بێت، مۆبایلی هۆشمەندی شەشەمیش لە چەند هەفتەی داهاتوودا دەردەچێت، ئەویش بریتییە لە LG G3 ,ئەویش دەنگۆی جۆراوجۆری لەدوا هەیە کە ئاستێکی بەرزی دەبێت. ئیتر لە کۆتاییدا %١٠٠ ئارەزووی بەکارهێنەر و بەکارهێنانی بەکارهێنەرە بۆ مۆبایلی هۆشمەندە کە کام مۆبایل هەڵدەبژێرێ، بە هیوای هەڵبژاردنێکی دروست!