زۆر سوپاس بۆ دەستپێشخەریتان مامۆستا ئومێدکورد،
بێگومان هەموو کارێک سەختی خۆی هەیە بەڵام ئوستادیەکەی لە بەرنامەکەدایە کە چۆن بتوانێت بگەڕێت بەدوای وشەی خوازراودا. ئەوجا جەنابتان چۆن دەفەرموون وەک دەسپێک بتوانین بەرنامەیەکمان هەبێت بۆ تاقیکردنەوەی پرۆژەکە. پاش جێگیربوونی، کاری تۆمارکردنی وشەکان دەست پێدەکەین.
لە ئێمەوە پێشنیاز بۆ بەکارهێنانی لەسەر وێب پەسەندترە چونکە کارەکە بۆ خزمەتی گشتییە. چاوەڕێی پێشنیازی ئێوەین.
لەگەڵ ڕێزی و پێزانینی بێسنوورمان ...

زۆر سوپاس مامۆستا ڕێبین بۆ پێشنیازەکەتان،
فەرهەنگی Dictio کارێکی سەنگین و جێکەوتووە و شایستەی شانازییە! ئەوەی کە ئێمە مەبەستمانە وەک هەنگاوی یەکەم کۆکردنەوەی فەرهەنگە کوردییەکانە، بۆ نمونە،
- فەرهەنگی شێخ محەمەدی خاڵ
- فەرهەنگی هەمبانە بۆرینە
- فەرهەنگی زەبیحی
- لیستی زاراوەکانی کۆڕی زانیاری کورد
و فەرهەنگەکانی دیکەش، کە زۆربەیان کوردی بە کوردی یاخود بەرانبەر فارسی و عارەبین. ئەوەی من لە فەرهەنگی Dictio گەیشتبم، بەرانبەر ئینگلیزییە و دەبێت وشە ئینگلیزیەکە بنووسیت و کوردیەکەی بۆ دابنێیت.
بە بۆچونی ئێوە ئایا چ تێکبەستنێک لەم دوو کارەدا دەکرێت؟ ئایا لە فەرهەنگی ناوبراودا ئەم کارەی ئێمە جێی دەبێتەوە؟ یاخود دەبێت سەرەتا وشە کورییەکان تۆمار بکرێتە بەرنامەیەک و دواتر زمانی ئینگلیزی بۆ زیاد بکرێت، یاخود دەتوانین لە فەرهەنگی Dictio دا وشە کوردییەکان دابنرێت و دواتر ئینگلیزییەکەی بۆ بدۆزرێتەوە؟ ئەی گەر وشە کوردیەکان نوسران لە چ شوێنێکەوە دەبینرێت کە ئەم وشانەن و بەرانبەرەکەی بە زمانی ئینگلیزی بۆ دابنرێت؟
ببورن لە پرسیاری کردنی زۆر و نامۆ، چونکە لە ڕووی بەرنامەڕێژییەوە هیچ شارەزاییەکمان نیە و تەنها ئامادەکاریمان هەیە بۆ تۆمارکردنی وشە.
سەرفراز بن ...

دووبارە سڵاو مامۆستا ئومێد،
پێش چەند ڕۆژێک وەڵامی بەڕێزتانم بە پەیامێکی تایبەت ناردوە، ئایا بە دەستتان گەیشت؟