نەبوونی شەپۆل یا خراپی شەپۆل لەکاتی تێلکردن یەکێکە لەو ڕووداوانەی کە زۆربەمانی بێزار کردووە، ئێمەی بەکارهێنەر هەمیشە نەبوون یا لاوازی شەپۆل(شبکة) ی مۆبایل تەلەفۆن دەخەینە ئەستۆی ئەو کۆمپانیایەی سیم کارتەکەمان لێ کڕیوە و ئابونەمان لێکڕیوە، بەڵام لەڕاستیدا هۆکاری خراپی شەپۆل زۆر جار ئامێری تەلەفۆنەکەیە.
بەڕێوەبەری پۆست و گەیاندن[b] ئیلیزابێث ئارسەذێر[/b] ئامەژە بەم کێشەیە دەکات و دەڵێت، لەگەڵ چەند وڵاتێکی سکەندەناڤی و ئەوروپی سەرقاڵی دۆزینەوەی ڕێگە چارەیەکین، بۆ ئەم مەبەستەش هەشت وڵات داوکاریەکیان ناردووە بۆ کۆمیسۆنی ئەوروپا بۆ ئەوەی فشار بخەنە سەر کۆمپانیا بەرهەمهێنەرەکانی مۆبایل کە کردارێک دروستبکەن بۆ ئەوەی بەکارهێنەر لەکاتی کڕینی تەلەفۆنەکە ئاستی بەهێزی شەپۆلەکەی بزانێت.
لە تاقیکردنەوەیەکدا کە لەلایەن [url=http://www.en.aau.dk/]زانکۆی [/url][url=http://www.en.aau.dk/]ئالبۆرگە[/url]وە ئەنجامدراوە دەرکەتووە کە تەلەفۆنێکی نۆکیای هەرزان بەهای ٤٠ دۆلاری، شەپۆلەکەی چوارئەوەندە لە تەلەفۆنەزیرەکەکانی سامسۆنگ و ئەپڵ باشتربووە.
شیاوی باسە لە ئێستادا مەحــاڵە بەکارهێنەر ئاستی بەهێزی شەپۆلی تەلەفۆنەکەی بزانێت، بەڵام پێدەچێت لە ئاییندەدا ، جگە لەو هەشت وڵاتە، زۆر وڵاتی تریش پشتگیری ئەم داواکارییەبکەن و ڕێگە چارەیەکی گونجاو بۆ ئەم کێشیە بدۆزنەوە.