سڵاو!
ڕووکاری گرافین یەکێکە لە باشترین و جوانترین ڕووکارەکانی وۆردپرێس و لەسەرتاسەری جیهاندا بەکارهێنەرێکی ئێجگار زۆری هەیە تا چەند هەفتەیەک لەمەوبەر بۆ ٢٧ زمانی جیهانی وەرگێڕڕابوو (ئێستا ٢٨ زمان دوای وەرگێڕانی بۆکوردی). لەکاتی هەوڵەکانمدا بۆ نۆژەنکردنەوەی ماڵپەڕ[url=http://zadizanst.com]ی زادی زانست[/url] دوای تاقیکردنەوە و دامەزراندنی جوملە و دروپاڵ و وۆردپرێس ئەم وۆردپرێس و ڕووکاری Graphene م هەڵبژارد چونکە ڕووکارێکە کە بەکارهێنەر دەتوانێت هەموو گۆڕانێکی تێدابکات و چۆنی بوێت وا دەربکەوێت ئەمەش بەبێ شارەزاییەکی ئەوتۆ لە کۆد نووسیندا، چونکە ڕووکارەکە لەڕێگەی ئەو هەموو ڕێکخستن و ئامرازانەی تێیدایە هەموو شتێکی بۆ دەستەبەرکردویت.
دوای هەڵبژاردن و بەکارهێنانی منیش بیرم لەبەکوردیکردنی کردەوە و ڕووکارەکەم بەتەواوی کرد بە کوردی بە بەشی ماڵپەڕ و بەشی بەڕێوەبردن دار وبەردیەوە.
ماڵپەڕی ڕووکارەکە: [url=http://www.khairul-syahir.com/wordpress-dev/graphene-theme]http://www.khairul-syahir.com/wordpress … hene-theme[/url]
پەڕگەکانی وەرگێرانەکەش لێرەدا هاوپێجکراون:
[url=http://chawg.org/meko/viewtopic.php?f=11&t=754&p=8013#p8013]http://chawg.org/meko/viewtopic.php?f=1 … 8013#p8013[/url]
گومانی تیا نی یە لەوانەیە ڕووکاری جوانتر زۆربن بەڵام ئەوەی من لێی بزانم هیچ ڕووکارێکی تر ئەوەندەی ئەم ڕووکاری گرافینە ڕیکخستنی تیانی یە، بەتایبەت بۆ ئەوانەی تاقەت و کات و توانای کۆد نووسینیان نی یە وەک کاک قەزوان وتەنی من.
ئەمە ڕووکارێکە هەموو شتێکی کراواتە کوردی، پەڕگەی وەرگێڕانەکەی زیاتر لە هەزار دێڕە. هەتا بەشی پرسیار و وەڵامەکەشی کراوەتە کوردی. بۆ ماوەی هەفتەیەک ڕۆژی ٥ تا ٦ سەعات کارم لەسەر کردووە. پەڕتوکێکیشم وەرگێڕایە هەرئەوەندی ئەخایەند.
بەکارهێنانیشی ئازاد و خۆڕایە، لەژێر مافی لەبەرگرتنەوەی گنوی سەرچاوەکراوەدا هەموو کەسێک و بۆ هەر مەبەستێک بێت ئەتوانێت بەکاری ببات، هەتا ئەگەر بۆ مەبەستی بازرگانی پێوەکردنیشەوە بێت. دانەری ڕووکارەکە ئامانجی تەنها کاری خۆبەخشیە، منیش مەبەستم لە بەکوردیکردنیدا تەنها خزمەتکردن بەزمانی کوردی و بردنی زمانی کوردی یە بۆ ڕیزی زمانەکانی تری دنیا.