بە بەڵگەوە سەلمێندرا کە: فەیسبووک تووشت دەکا
فەیسبووک و تویتر زیاتر لە ئەلکول و سیگار مرۆڤ گیرۆدە دەکەن. لانی کەم ئەگەر باوەڕمان بە لێکۆڵەرەوانی زانکۆی شیکاگۆ هەبێ.
لە هەواڵێکدا کە سەرچاوەکەی رۆژنامەی میترۆ یە و ئەویش لە "گاردیەن"ی بریتانیاوە دەگێڕێتەوە کە لەو لێکۆڵینەوەی زانایان لە زانکۆی شیکاگۆدا پرسیار لە ٢٠٥ کەسی تەمەن ١٨ تا ٨٥ ساڵان کراوە، دەرکەوتووە کە نە تەماکۆ، گەمە و ئەلکول هیچکامیان هێندەی تۆڕە کۆمەڵایەتیەکانی وەک فەیسبووک و تویتر، مرۆڤ گیرۆدە ناکەن و وازلێهێنانیان زۆر زەحمەتە. حەوت جار لە رۆژدا بۆ ماوەی یەک حەوتوو پرسیار لە بەشداربوانی ئەو لێکۆڵینەوە کراوە کە بیر لە چ شتێک دەکەنەوە و کامیان لە هەموویان زەحمەتترە کە وازی لێ بهێنرێ. لە وەڵامەکاندا دەرکەوتووە کە خەڵکەکە زۆرتر بیر لە تۆڕە کۆمەڵایەتیەکان و کار دەکەنەوە، بە پێچەوانەش زۆر هاسانترە کە واز لە تەماکۆ، ئەلکول، سکس و کڕین بهێنن.
دەرونناسێک بە ناوی "یاکوب یوهانسۆن" (Jakob Jonsson) کە لە ناوەندی ئەنستیتۆی تووشبووەکاندا کار دەکا بە رۆژنامەی میترۆی وتووە کە:" لە پێش هەموو شتێکەوە فەیسبووک سەرچاوەیەکی باشە و لەبەردەستیشدایە. فەیسبووک کرداری زۆری بۆ کەسە جۆراوجۆرەکان هەیە، بۆ وێنە دەتوانێ پێوەندییەکی کۆمەڵایەتی ساز بکا یان یارمەتیدەر بێ بۆ کەسێک کە دەیهەوێ خۆی بنوێنێ."
سەرچاوە:
- کارەکان :
- بڕۆ ژوورەوە بۆ نووسینی بۆچوون
بۆچوونەکان
دەستخۆش کاک حامید!
بێگومان سوود و زیانیشی هەیە، سوودەکەی بوونی پەیوەندییە کۆمەڵایتییەکان زۆر پێوسیتە بۆ مرۆڤ و نەبوونی ئەو پەیوەنەدییانە کاریگەری نەرێنی لەسەر دەروونی مرۆڤەکان دروستدەکات.
بە دڵنیایەوە وایە کە جەنابت دیڵێی.
كاك حامیدی بەرێز دەست خۆش ،لێرە كە هەر بازی ناكات بەڵام ئەوانی تر (ئەڵكولوو ،سیگار و مادە هووشبەرەكانن ) كە مرۆڤ گیرۆدە ئەكەن . ئامارێكم خوێندەوە لە رۆژنامەێكی فەرمی چەند مانگێك لەمەو بەر كە لە ئێران سەدی هەشتای خەڵك لە ساڵێك كەمتر لە ١ بار بە ئەنترنێت كار دەكەن . لەم ماڵپەرەیش چاو لە خێرایی ئێمەو جیهان بكەن: [url=http://www.dadna.ir/fa/news/16201/%D8%AA%D8%B9%D8%AF%D8%A7%D8%AF-%DA%A9%D8%A7%D8%B1%D8%A8%D8%B1%D8%A7%D9%86-%D8%A7%DB%8C%D9%86%D8%AA%D8%B1%D9%86%D8%AA-%D8%AF%D8%B1-%D8%A7%DB%8C%D8%B1%D8%A7%D9%86-%D9%88-%D8%AC%D9%87%D8%A7%D9%86+%D8%AC%D8%AF%D9%88%D9%84]بەستەری ماڵپەر[/url]
لەگەڵ رێزمدا
کاکە قزوانی بەڕێز من مەبەستی جەنابت بە تەواوی تێنگەیشتم، بەڵام ئەگەر مەبەستت ئەوەیە کە خەڵکی بە ئینتەرنێت و گەمەوە تووش نابن و تەنیا ئەلکول و ماددە هۆشبەرەکانن کە مرۆڤ تووش دەکەن. بێ گومان مرۆڤ لە رادە بە دەر شتێک بەکار بێنێ تووشی دەبێ و پێوە گیرۆدە دەبێ. تەنانەت گەمە کردن لە کومپیۆتەر و چوونە نێو فەیسبووک لە رادە بەدەر و ئەمانەش وەک تووش بوون و گیرۆدەبوون بە حیساب دێن. خواردنەوەی ئەلکولیش بە هەمان شێوە، لە حەوتوویەکەدا ٣ جار بخۆینەوە لێرە بە تووشبوومان دەژمێرن و دەبێ بچین بۆ لای دروونناس و دەرمانی خۆمان بکەین بە هەمان شێوە ئەگەر تووشمان بە گەمە (لە لای مەهابادە و سەردەش و ئەو ناوە پێی دەلێن قومار)ی زۆرەوە بێ دەبێ بگەڕێین چارەسەر و دەرمانی خۆمان بکەین. هیوادارم لە مەبەستی جەنابت گەیشتم. سەرکەوتوو بی.
کاك حامید، وا بزانم مەبەستی کاك قەزوان لە وڵاتی ئێرانە کە ئێستا تەنانەت ئینتەرنێتی بەتەواوی داخستووە لەترسی ڕێكخستنی خۆپیشاندان لەڕێگای ئەو ڕایەڵە کۆمەڵایەتییانەوە. ئەڵێت لە ئێران کۆ خزمەتگوزاریی ئینتەرنێت بەو شێوە ئەندازەیە بەردەست و ئاسانکراوە، کە خەڵك فرچکی پێوەبگرن؟!
بەهەرحاڵ، بەپێی ئامارەکان ١٧ ملیۆن ئێرانی فەیسبووك بەکار دەهێنن، کە پێم وایە کاریگەریی خۆی هەیە لەسەر ڕەوشی وڵاتێکی ٧٠-٨٠-ملیۆنیی ئێران، بەڵام بۆ ڕاهاتن و گرۆدەبوون لای ئێرانییەکان، ئەوەیان نازانم، بەڵام لە جیهاندا زۆر بەربڵاوە و خەڵکێكی زۆری تووش کردووە، وەك لە هەواڵەکەی کاك حامیددا هاتووە. سوودەکانیشی لەژماردن نایەن، گەر بەدروستیی کەڵکی لێوەربگیرێت؛ شۆڕشەکانی بە ناو "بەهاری عەرەبی" بە جۆرێك لە جۆرەکان بەرهەمی ئەو ڕایەڵانەن!
دەستان خۆش بۆ هەواڵ و باسەکەش!
دەست خۆش زمانیار. بێگومان وایە بەڵام ئەو وڵاتە ئێستا بەڵا لێیداوە و لە جێگای ئەوە خەڵکەکەی خوو بە ئینتەرنێت و فیسبووکەوە بگرن، گیرۆدەی داوی ماددە هۆشبەرەکان دەبن. ئاماری زۆر دڵتەزێن هەن لەسەر ئەوەی کە چەندە خەڵک گیرۆدە بووگن، لە جێگای ئەوە کاربەدەستان بەری ماددە هۆشبەرەکان بگرن ئەوان دێن بەری ئینتەرنێت دەگرن!
بێگومان هەموو شتێک تەنانەت ئەگەر باشیش بێ کەڵکی زیاد و بێتام و لە رادەبەدەری لێ وەربگیردرێ، باش نیە. تکنۆلۆجیاش دەکەوێتە هەمان چوارچێوەوە.
دیسان سپاس.