کاکە هیوا لەوە ناچێ.
کاکە رەوەند دەیان هۆکار هەیە بۆ ئەو کارە. هۆکاری سەرەکەی ئەوانە دژی زانستی ئیمڕۆیین و پێیان خۆشە خەڵکەکە بە هەژاری و نەزانی بمێنێتەوە بۆ ئەوە گوێڕایەڵ بێ.
رێبەران و دەسەڵاتدارانی ئەو وڵاتە چەندین جار وتوویانە کە ئێمە شوانین و خەڵکیش مەڕوماڵاتن و مەڕوماڵاتیش پێویستی بە شوان هەیە!
دەیان و سەدان کورت و درێژ فیلم لەو سێ ماڵپەڕەدا کۆ کراونەتەوە کە پڕن لە زانیاریی و پەردەهەڵدانەوەی درۆ و پڕوپووچ کە من لە ژێرەوە چەند نموونەیان دێنمەوە.
مەلایەک بە وتەی خۆی ئەویش لە زمان ئیمام جەعفەر سەجاد کە یەکێکە لە ئیمامەکانی دوای حەزرەت عەلی و لە ١٢ ئیمامەکەی مەزهەبی شێعە، دەگێڕێتەوە کە سەر و مل و سینگی نیوە رووتی کچان و ژنان دەبێتە هۆی سیکس و ئەویش لە درێژەدا دەبێ بە هۆی هاتن و سەرهەڵدانی زەویلەرزە یان بومبەلەرزە. یان ئەگەر پیاوێک سەیری ژنی خەڵكیتر بکا ١٠٠٠ ساڵ دەچێتە بەندیخانە!
کچێکی ٢٢ ساڵەی ئامریکایی پاش بیستنی ئەم هەواڵە لە فەیسبووکەکەی خۆیدا داوای لە ژنان کرد کە بە سەر و ملێکی لە ژنانی ئیرانی زیاتر رووتەوە بچێنە نێو شەقامەکان و رۆژی دواتە زیاتر لە ٢٠ هەزار کچ و ژنی بە سەرو ملی ئازادەوە لە شەقامی شارە جۆراوجۆرەکانی ئەو وڵاتەدا کۆ کردەوە و نە بای هات و نە بۆران، هۆی هاتنە نێو شەقامی ئەم ژنانەش ئەوە بوو کە ئەو وتەیە لەگەڵ زانستی ئیمڕۆ ناگونجێ و بە درۆیان خستەوە.
ئەحمەدینژاد کە ئێستا سەرۆککۆمارە وتوویە من خەرمانەی تیشک (هالە نور) بە دەوری سەرمدا گەڕاوە، لە مەزهەبی شێعەدا ئەم خەرمانەی تیشکە لە لایەن خودا و مەشایەخەکانەوە بە دەوری سەری کەسانی پاکدا دەگەڕێ و لە هەموو دەردووبەڵا و تەنانەت لە گولەش دەیانپارێزێ. ئەم وتانە بۆ مەلایەک دەگێڕێتەوە، لە شوێنێکی دیکەدا لە نێو فڕۆکەدا لێی دەپرسن بۆ وات وتووە، دەڵێ من وام نەوتووە و من چیم تاکوو تیشک بە دەوری سەرمدا بگەڕێ! ئەم دوو کورتە وتووێژانە کراون بە یەک و بڵاو کراونەتەوە. یان بەڵێن بە خەڵكی دەدا کە نەوت بێنێتە سەر سفرە و خوانیان، هێشتا هیچ هەواڵێک لەو بەڵێنیە نیە.
دەستبازی سەرۆککماری پێش ئەمیش واتە خاتەمی لەگەڵ کچان و ژنانی ئەو وڵاتە ئەویش لە پێش کامێرای هەواڵنێرانەوە.
پڕوپووچی دیکەی وەک بڕیاری لە نێو بردنی گەلی کورد لەو بەشەی کوردستاندا لە زمانی خودی خومەییننیەوە و دەیان وتەی پێکەنینی کە هەمووی لە یاسایی ئەواندا بە سووکایەتی دژمێردرێ، پەردەهەڵدانەوە لەسەر دزی، تاڵان و کوشتاری خەڵک لە شەقامەکاندا و گەیاندنیان بە مێدیای جیهانی، هەموو هۆکاری بەرگرین لەو وڵاتەدا بۆ چوونە نێو ئەو سێ ماڵپەڕەوە و لە مێژە فیلتەر کراون و ئەوانە لە ئێرانەوە دەچنە سەرهێڵ بە فیلتەرشکێن و پرۆکسی دزراو و کڕاوەوە ئەو کارە دەکەن.
هۆکاری لە هەموو گرینگتر ئەوەیە کە ئەو شوێنانە شوێنی گەڕان وڵامە بۆ سەدان و بگرە هەزاران پرس کە بە رۆژدا بۆ خەڵکی پێش دێ و لەوێدا بە شێوەی زانستی وڵامەکەیان دەست دەکەوێ.
هۆکار زۆرن بەڵام ئەمانەی سەرەوە هێندێک لەو هۆکارانە بوونن کە ئەو سێ شوێنە بەردەباران بکرێن.

کاکە سیا بە تەواوی لەگەڵتم. هەتاکوو خەڵکەکەش نەخوێندەوارتر و گەمژەتر بێ شوانەکەیان باشتر دەیانلەوەڕێنێ. خەڵکیش کە خوێندەوار و زانا بن. پێویستیان بەو پڕوپووچە نیە.