بەڕێوەبەری پێشخستنی ئۆپرا “ Christen Krogh “ لە ئۆسڵۆی پایتەختی نەرویج هەندێک لە پلانەکانی کۆمپانیای ئۆپرای ئاشکرا کرد کە بەنیازن لە ئاییندەدا ئەنجامی بدەن.
گرنگترینیان ئۆپرا کاردەکات بۆ دروستکردنی وێبگەرێک بۆ تەلەفزیۆن بۆ ئەوەی هەموو ئەو تەلەفزیۆنانەی کە ئەم پشتگیرەیەیان تێدایە بتوانن، وێبگەڕی ئۆپرا بەکاربهێنن بۆ گەڕان بە لاپەڕەکانی نێت و تەماشاکردنی مالپەڕ و وێب تەلەفزیۆن ، بۆ ئەم مەبەستەش ئێستا ئۆپرا بە خەستی لەگەل کۆمپانیاکانی تەلەفزیۆندا کاردەکات.
خاڵیکی گرنگی تر کە “کریستیان” ئاماژەی پێکرد ، دروستکردنی پشتگیری ئۆپرامینی بۆ سیستەمی ئەندرۆید، ناوبرا پێشبیبنی دەکات تا ٢٠١٥ ڕیژەی بەکارهینەرانی مۆبایل زیاتربن لە ڕوومێز(دیسکتۆپ).
هەروەها وەشانی ١١ ی وێبگەڕی ئۆپرا وەکو گووگڵ کرۆم فایرفۆکس پشتگیری”extentions “ بۆ دروستدەکرێت ،چونکە تا ئێستا ویبگەڕی ئۆپرا تەنیا دەتوانرابەیارمەتی Widgets چەند کردارێکی بۆ زیادبکرێت ، بەڵام داواکاری زۆری بەکارهێنەران بۆ ئەم کردارە ، ئۆپرای ناچاکرد کە پشتگیری پێوەکراو زیاتر بکات، چونکە نەبوونی Add-ons لەوانەیە یەکێک لە هۆکارە گرنگەکان بێت کە ئۆپرا نەیتوانیوە وەکو ڕکابەرانی ڕێژەیەکی زیاتری بازاڕی وێبگەڕ بۆ خۆی داگیربکات.
پێوەکراو ، Plug-ins یان “extensions “ پرۆگرامۆکەی بچووکن و هەریەکەیان کردارێکی جیاواز لە وێبگەڕدا زیاد دەکەن ، بەمەش بەکارهێنەران دەتوانن بە ئارەزووی خۆیان ویبگەڕەکەیان دەوڵمەندبکەن بەو کردارانەی کەخۆیان پێوسیتیانە.
شایانی باسە ویبگەڕی ئینتەرنێت ئێکسپلورەر لە ١٩٩٩ وە لە وەشانی 5 دا ، پشتگیری “extensions “ دەکات و فایەرفۆکس و گوگڵ کرۆم هەمان کرداریان هەیە .