لینوکس بۆ ئەفریقا. ئەی چی بۆ ئێمە؟
وەکو دەستەواژەیەک هەموو کات بۆ بەرزنرخاندنی مرۆڤ و مافی مرۆڤ لەهەرکوێیەک بێت، هەمیشە لینوکس یان ئەو فەلسەفەیەی لەپشت ئەو ملیۆنەها داڕێژەر و هاوکار و سازکارانەی ئەم سیستەمەوەن وەکو پەیامێکی بەردەوام بۆ مرۆڤایەتی دەدوێت. لەم میانەشدا [url=http://www.linux4afrika.de/]Linux4Afrika[/url] دروستبووە لەئەڵمانیاوە کەوەکو ڕێکخراوێکی کۆکردنەوە و سەرلەنوێ ڕێکخستنی هەموو ئەو کۆمپیوتەرانەی لەماڵاندا و لەنوسینگە و لەشالیاریەکاندا بەکارناهێنرێن و ئامادەکردنی لەگەڵ سیستەمێکی لینوکسدا و بانگێشتکردنی کەسانی خۆیان و ڕاهێنانیان لەسەر فێرکردنی، تاوەکو بەگەشتنی کۆمپیوتەرەکان بەئەفریقا لەوێوە درێژە بەبڵاوکردنەوەی بدەن و ئەو هەموو منداڵ و شوێنانەی کەلەم سەردەمەدا لەنزمترین ئاستی بژێویدا دەژێن بتوانن سوود لەچالاکترین تەکنەلۆژیای ئایتی وەربگرن. شایەنی وتنە ئەفریقا بەتایبەت لەهەندێک وڵاتیدا برسێتی و بێکاری لەلوتکەدایە هەروەها داهاتی مانگانەی زۆر خێزان بۆ مانگێک لەچەند دۆلارێک تێپەڕناکات، ئەمە بێجگە لەنەخۆشیە کوشندەکان کەقڕی بەزۆر کۆمەڵگایان کردووە. لێرەوەدا وەکو کوردێک دەپرسین:
ئایا ئەو دەیان هەزار خێزانە کوردانەی هەمانن کەتاکو ئێستا لەدەربەدەری و بێدەرەتانیدا دەژێن یان ئەو منداڵانە و ئەو فێرگانەی لەبچوکترین زانستی سەردەم بێبەشن، کاتی ئەوە نەهاتووە کارێکی هاوشێوەیان بۆ بکرێت؟
سەرچاوە:
بۆچوونەکان
کێ بۆیان بکات ؟ ئایە لئنوکس خۆر بریاری داوە بۆیان بکات ؟ یان کەسانێکی ئەفریقی هەبووە هەوڵی بۆبدات؟ ، کەواتە ئەبێ لینوکس خۆی بیر لە کورد بکاتەوە .
بژین،
وەڵا ئافەرم بۆ کارەکانیان لە ئەڵمانیاوە خەمى ئەفەریقایانە و لەوەشدا مافى مرۆڤ لەبەر چاو دەگرن و کارى بۆ دەکەن ئێمەش لە کوردستان بۆ ساڵى ٢٠١٠ بۆ ئەوەى مافى مرۆڤ باشتر بکرێـت و مافى کەس پێشێل نەکرێت حوکمەتەکەمان هەستا بە لابردن و نەهێشتنى ئەو وەزارەتە واتا وەزارەتى مافى مرۆڤ
واتا ئیتر لەکوردستان مرۆڤ ناژى
لینوکس خۆی پەیوەندی بەم کارەوە نییە. ئەو کۆمەڵە کەسەی ئەم بیرۆکەیان لادروستبووە. لەدوای هەمویدا بیریان کردۆتەوە سیستەمێکی پتەو و خۆڕاش لەگەڵیدا بنێرن. ئەویش لینوکسە. لینوکس خۆی نەکۆماپانیایە نەهیچ بنکەیەکی نییە. هەروەها لینوکس بریتییە لەپڕۆژەیەک و گرێدراوێک. دابەشکردنەکانی بریتین لەو شتەی بەردەستی من و تۆ دەکەوێت وەکو ئوبونتو و فیدۆرا و سوزە و دێبیان ...هتد
کوردستان پێویستی بەوە نییە کۆمپیوتەری کۆنەیان بۆ بەریت.
دەستخۆش کاک سیا بۆ ئەو هەواڵە ، بێگومان ئەگەر تەنیا بۆ کاری خێرخوازی و هاوکاری کردن بێت ، جێگای دەستخۆشییە ، بەڵام زۆر لەڕێکخراوە ئەوروپییەکان ، بۆ مەبەستی ئایینی ئەو هاوکاریانە دەکەن ، واتە بۆ بڵاوکردنەوەی ئاینی مەسیحی.
نازانم بەڵام زۆربەی ئەوانەی خەڵکی چالاکی بواری یارمەتی مرۆین. خەڵکی Atheist ــن. شتی والێرە و لەوێش دەکرێت. بەڵام ئەمە ناوەڕۆکی کارەکە ناشارێتەوە. وەباوەڕم نییە شتی واهەبێت بۆ ئەفریقا بەتایبەت باشور و ناوەڕاست کە زۆربەی ڕەهای مەسیحین. شتەکە پەیوەندی بەوەوە نییە.
http://en.wikipedia.org/wiki/Religion_in_Africa
دەستخۆش بۆ ئەو هەواڵە، منیش ئەمجارە چوومەوە بۆ کوردستان، کار بۆ ئەوە دەکەم کە پرۆژەیەکی هاوشێوە وەکوو نموونە بەهاوکاریی برادەرانی کوردستان جێبەجێ بکەم. بێگومان گەر کارەبا بهێڵێت.