گوگڵ وەکو هەمیشە بەنوێکاری و خزمەتگوزاری خۆڕایی ناسراوە ئەمجارەیان چەند گۆڕانکاریەکی گرنگی لە وەرگێری خۆڕایی سەرهێڵ " Google Translate" دەکات.
یەک لەوانە لەکاتی نوسینی پیتەکان لەهەمان کاتتدا ووشەیەک دەنوسیت ، وەریدەگێڕێت بۆ زمانی هەڵبژێردراو ، بەم هەنگاوەش کاتێکی زیاتر بۆ بەکار هێنەر دەگەڕیتەوە ، جگە لەوەش بەکارهینەر پێوسیتی بەوە نابێت کرتە لەدوگمەی وەرگێڕان بکات.
نوێکاریەکیتر کە لەسەرەتادا تەنیا زمانی ئینگلیزی دەگرێتەوە ئەوەش خوێندنەوە بەدەنگی ئەو ووشانەی بە ئینگیلزی یاخود پیتی لاتینی دەیانوسیت ، ئەمەش سوودێکی یەکجار باشی هەیە بۆ فێربوون و چۆنیەتی زاراوەی ئینگلیزی .
بۆ نمونە دەتوانن ووشەی KURDISTAN بە پیتی لاتینی بنوسن گوێتان لە خوێندنەوەی بێت بەزمانی ئینگلیزی.
وەرگێڕی گوگڵ " Google Translate" جگە لەوەگێڕانی ووشە دەتوانێت URL یاخود ماڵپەڕێک هەمووی وەربگێڕێت ، بەڵام بەداخەوە جگە لەوەی هەندێک هەڵە دەکات توانای چاککردنی ڕێزمانی نییە.
شایانی باسە" Google Translate" یەکێکە لەخزمەتگوزاریە خۆڕاییەکانی گوگڵ کە دەتوانێت کاری وەرگێڕان بۆ پەنجا زمان ئەنجام بدات ، هیوادارین لە داهاتودا زمانی کوردیش لەم خزمەتگوزاریە بێبەش نەبێت.