واتایی سه‌هه‌ند چییه
سڵاو
ئایا واتایی سه‌هه‌ند چی ده‌گه‌یه‌نێت
له‌وانه‌یه ته‌نیا گرووپی موزیکی سه‌هه‌ند ئه‌و وه‌ڵامه‌ی لابێت.
سه‌هه‌ند به شێوه نووسینی سهند چیایه‌که له ئێران سه‌هه‌ند و سه‌به‌لان دوو چیای نزیک به‌یه‌کن، دیاره زانکۆ و رێکخراو و شتی تریش به‌و ناوه ناونراون. سه‌رکه‌وتوو بن
ئامۆزایێكـم مناڵێکی هه‌یه ناوی سه‌هه‌نده، پارساڵ لێم پرسی سه‌هه‌ند یانی چی؟ له وه‌ڵامدا وتی سه‌هه‌ند یانی "ڕێگا‌یه‌کی سه‌خت و به‌سته‌ڵه‌ک"
سه‌هه‌ند:
ـ ســــــای(سێبه‌ر) خه‌ستی دار
ـ برێتی له سه‌رمایه‌کی زۆڕ
ـ ناوی زۆزانێکه.
سه‌رچاوه [ هه‌نبانه بۆینه‌ی هه‌ژار ]
ده‌ست خۆش که‌زوانی به‌ڕێز ماوه‌یه‌کی زۆر بوو دیار نه‌بووی، هیوادارم سه‌رکه‌وتوو بی، به بڕوای من ئه‌و مانای زۆر له راست ناچێ، به‌ڵام ئه‌وه‌ی که ده‌ڵێ سۆزانێکه راسته. له‌به‌ر ئه‌وه "سه‌هه‌ن" به بێ پیتی "د" به زاراوه‌ی کرماشانی مانای سێبه‌ر ده‌دا، له یه‌کێک له زاراوه‌کانی ناوچه‌ی کرماشاندا له جیگای سێبه‌ر "سه‌هه‌ن" به‌کار ده‌بن. دیاره له هه‌مان لاپه‌ره و ستوونی هه‌مبانه‌بۆرینه له یه‌ک دێڕ سه‌رتره‌دا سه‌هه‌ن مانا کراوه که ئه‌وه راستتره. سه‌رکه‌وتوو بن
مامۆستا حەسەن زیرەک لە یەکێک لە گۆرانیەەکانیدا ووشەی سەهەندی بەکار هێناوە بەداخەوە ئێستا ناوی گۆرانییەکەم لە بیر نەماوە. پێموابێت ناوی زۆزانێکە وە دەکرێت چیاش بێت. بریا یەکێک ناوی گۆرانییەکە لێرەدا دەنووسی.
هەر شاد بن.
سوپاس بۆ هه‌موو لایه‌ك سوودم لێوه‌رگرت