ئایا ئەم وشانە کوردین؟؟؟
سڵاو بەڕێزان پرسیارێکم هەیە بۆ کاک دیاکۆ و بۆ هەموو ئەوانەی کە شارەزان لە‌بواری زاراوەی کوردی...ئایا ئەم وشانە کوردین ئەگەر کوردین لەچییەوە هاتون خۆر سوپاستان دەکەم
1-قایل یان قایلبوون
2-قەبڵاندن
3- تەلیسم
4- قاپی
5- جادە
6- قۆرتە
7- تارمە
1.ڕازی بوون
2.قەبڵاندن، نرخاندن
3.خۆبەدەستدانەوە.
4. دەرگا
5. شەقام
6.بەدیالێکتێکی خۆشناوەتی بە چاڵ دەڵێن قۆرت.
7 .پێشبان.
هەربژی
سوپاس کاکەسیا..دیارە مەبەستی سەرەکی پرسیارەکەم ئەوە بوو کەئایا ئە و وشانە لەبنەڕەتدا کوردین یان زاراوەی زمانی دەوروپشتن؟؟...بۆ وەڵامی (تەلیسم) مەبەستم لە (تەسلیم) نیە بەڵکو (تەلیسم)..سوپاس
چەپکێک ڕێز.
Paş sillaw
Bibure ke behelle le wuşey telsîm têgeştibm
Etwanim billêm hemû zimanekanî dinya, wuşey bêganey têdaye, ewîş hokarî dîn û syaset û aburî hen.....htd
em base zorî dewêt, bellam ke wişeyekî kurdîman bo bêganeke hebû baştire kurdyeke bekarberîn.
tamall westabêt, mizgewt hheramee
dîsan rêzim qibull bifermûn
١- قایلبوون (تەنیا لە كوردستانی باشوور بەكار دەبرێت) و بە واتای "ڕازیبوون" دێت. زیاتر لەوە دەچێت لە عەرەبییەوە وەرگیرابێت و كوردێنرابێت.
٢- قەبڵاندن (ئەم وشەیەش هەر لە كوردستانی باشوور بەكار دەبرێت) و بە واتای "خەمڵكردن، قرساندن، نرخاندن، خەمڵاندن" دێت.
٣- ئەم وشەیە لە بنەڕەتدا لە وشەی "Telesma"ی لاتینییەوە وەرگیراوە و مامۆستا هەژاریش ئاوا واتای كردۆتەوە (١- شوێنی جادوكراو ٢- دوعای جادوگەر ٣- نوشتەی لەسەر زێڕ و زێوی كە خشڵێكی سەرسنگە). فارسەكانیش دەڵێن "طلسم" بە ژێری پیتی یەکەم و دووەم و لە فەرهەنگی "عمید"دا ئاوا مانای کراوە (پارچەكاغەز یان كانزایەك كە جادوگەران یان فاڵگران هێڵگەل یان خشتەگەلێكیان دەكێشن یان پیتگەل و وشەگەلێكی لەسەر دەنووسن و لەو بڕوایەدان كە بۆ پاراستنی كەسێك یان شتێك، و دوورخستنەوەی مرۆڤ لە خراپە و ئازار كاریگەرە).
٤- "قاپی" وشەیەكی ڕەسەنی كوردییە و وەك كاك سیا ئاماژەی پێ داوە واتای "دەرگا" دەدات.
٥- "جادە"ش بەبنەڕەت عەرەبییە و لە كوردی و فارسیشدا بەكاری دێنن. لە "جادة"ی عەرەبییەوە وەرگیراوە بە شەددەی پیتی (د)، واتە ڕێگای فراوان و گەورە، شاڕێگا، ڕێگای بەرین و گشتیی دەرەوەی شار.
٦- وشەی "قۆرتە"ش لە وشەی "قۆرت" جیایە و واتای (قۆترە، گورگەلۆقە، نیوەغار) دەدات. فارسان دەڵێن "هرولە" كە لە بنەڕەتدا وشەی "هرولة" ی عەرەبییە. وشەیەكی ڕەسەنی كوردیی پەتییە.
٧- وشەی "تارمە" ش پێدەچێ لە وشەی «تارم» یان «تارمی»ی فارسییەوە وەرگیرابێت كە بەعەرەبیكراوەكانی دەبێتە «طارم» و «طارمی» و بە "تارەم" و "تارەمی" گۆ «تلفظ» دەكرێن. ئەم وشەیە دوو واتای هەیە ١- هەیوانی سەردانەپۆشراو ٢- محەجەری بەرهەیوان. فارسان وشەی "تراس"یش بەكار دەبەن كە لە وشەی «Terrasse»ی فەرەنسییەوە وەریان گرتووە.
باقی وە سەلام، براتان،
ماركۆ
مارکۆ، به ناو لاتین ئەمریکایی‌یەکی تەواوی، به نێوەرۆک خزم یان نزیکانی مام هەژاری. سەرم سووڕماوه.
نۆڤا
ئەگەر وسەکە کوردی یە مانای جی یە
بەڕێز، من لە زمانی کوردیدا وەها وشەیەکم نەبیستووە و له هیچ فەرهەنگێکی کوردیشدا بەدیم نەکردووە. بەڵام لە زمانە ئەورووپییەکاندا هەیە و بەم واتایە:
nova = ئەستێرەی نوێ ـ ئەستێرەیەک کە ڕووناکیی کەمە و لەپڕدا ڕووناکییەکەی زۆر دەبێت.
supernova= ئەستێرەیەك كە لەناكاو ڕووناكتر دەبێت چونكە دەتەقێتەوە. بەراوردی بكە لەتەك (nova)دا.