ئف بی ئای (FBI) 19 کەسی به تاوانی دزینی پرۆگرامی مافپارێزراو گرت.:  گرووپێکی نهێنی له "cyberpirater" بەوه تاوانبار کراون که ژمارەیەکی زۆر پرۆگرام، گەمە و فیلمیان دزیوه. ئەم دادگایی کردنەش له ئامریکادا بەڕێوه دەچێ و سزاکەش دەتوانێ تاکوو پێنج ساڵ بەندیخانه بگرێتەوه.
دوێنە فایلی ئەم سکاڵایە له لایەن پارێزەرێکەوه دراوه به دادگا، لەو سکاڵایەدا 19 کەس له گرووپێک به ناوی " RISCISO" تاوانبارن بەوەی که "دزییەکی زۆر"یان کردووه، بەڵام تەنیا بۆ خۆشی خۆیان دزیوانه، نەک بۆ ئەوەی بیفرۆشن و سوودێکیان دەست بکەوێ.
به پێی هەواڵی ڕۆیترس (Reuters)، لێکۆڵینەوەکه له لایەن " ئف بی ئای" (FBI) ەوە به ڕێوه چووە و  ئەم گرووپەش به هۆی " Sean O\'Toole " دانیشتووی " Perth" له وڵاتی ئوسترالیا و " Linda Waldron "ی 57 ساڵەی خەڵکی " Barbados" سەرپەرستی کراوه. به پێی هەواڵەکە هەردووکیان دەدرێنە دەست یاسای ئامریکا.
بە وتەی پارێزەرەكه، نزیکەی 60 کەس که زۆربەیان له بواری ئای تی دا کار دەکەن، ئەم گرووپه نهێنیەیان بۆ دابەش کردنی فیلم، گەمە و پرۆگرام بەکار هێناوه.
ئەو شتانەش ئەم گرووپه پێی تاوانبارن، نرخەکەیان دەگاته 6،5 میلیون دولار...
سەرچاوه