كۆبوونەوەی ئەندامانی "كورد ئای تی گرووپ": وەك لە
بابەتێكدا پێشتر ئاماژەی بۆ كرابوو، سەر لەئێوارەی 10.09.2004 كۆبوونەوەی ئەندامانی "كورد ئای تی گرووپ"، بەئامادەبوونی زۆربەی ئەندامان و چەند میوانێكی بەڕێز بەڕێوەچوو. لە كۆبوونەوەكەدا باس لە چاكسازی كردنی بەڕێوەبردنی بەشەكانی
پرسیار و وەڵام كرا بەگشتی و ڕێكخستنی بەشی هەواڵەكانیش بە تایبەتی.. چەندین پێشنیار و ڕا و بۆچوون لە لایەن ئامادەبووان خرایە ڕوو، كە هەمووی لە پێناو ئاسانكردن و باشتر كردنی خزمەتگوزارییەكانی "كورد ئای تی گرووپ"دا خۆی دەبینییەوە. لە كەشێكی زانستییانەدا تاوتوێی بیرۆكە جیاجیاكان كرا و بڕیار لەسەر هەندێ چاكسازی درا.
لەبەر گرنگی بەشی هەواڵەكان ئێوارەی 13.09.2004 كۆبوونەوەیەك سازدرا بۆ هەموو ئەو ئەندامانەی كە هەواڵ پەخش دەكەن. خۆشبەختانە بیرو بۆچوونەكان هەمووی لەیەكەوە نزیك بوون و بڕیار لەسەر؛ یەكخستنی ڕێنووس، هەمەچەشنی هەواڵەكان، چاككردنی شێوەی وێنەكان، فراوانكردنی سەرچاوەكان، گرنگیدان بە هەواڵی ناوخۆیی و، هەروەها ئاوەڵا كردنی RSS بۆ پێدانی بوار بۆ بەكاربردنی هەواڵەكان درا..لەگەڵیدا بەشی ناردنی هەواڵ بۆ میوانان زیاد دەكرێت.
كورد ئای تی گرووپ بەخۆشحاڵییەوە پێشوازی لەهەموو پێشنیارێك دەكات، لە پێناو ڕەخساندنی بوارێكی ئاسان بۆ فێربوون و برەو پێدانی تەكنەلۆژیای زانیارییەكان لای كورد.