سیمبیان، بەرفراوانترین سیستەمی کارگێڕی بەکاربراوی مۆبایل , ئەمڕۆ دەبێتە ژێدەرکراوە و وا بڕیارە کاتژمێر ١٤:٠٠ GMT لە ماڵپەڕی خۆی هەموو کۆدەکانی ئەوی سیستەمە کارگێڕییە بۆ داگرتن دابنێت.
هەنگاونان بەرەو ژێدەرکراوەبوونی سیمبیان لە ساڵی ٢٠٠٨ەوە دەستی پێکرد پاش ئەوە نۆکیا زۆرینەی پشکەکانی ئەو کۆمپانیایەی کڕی و دامەزراوەی سیمبیانی دروستکرد. کە ئەمەش یەکێکە لەو هەوڵانەی نۆکیا داویەتی بۆ زیندوکردنەوەی سیمبیان بەتایبەت لەدوای ئەو گەشە خێرایەی iPhone و Android و دابەزینی ڕێژەی بەکارهێنانی سیمبیان، زۆرێک پێیان وایە کە سیمبیان سیستەمێکی کۆنە و وردەوردە بەکارهێنانی ڕوو لە کەمی دەکات و سیستەمەکانی تری جێگەی دەگرنەوە.

جگە لەوەش نۆکیا لە هەوڵی نوێکردنەوەی ڕووکاری (UI) سیستەمەکەیە و بڕیار وایە لە نیوەی دووەمی ئەم ساڵدا Symbian ^3 بڵاو بکاتەوە و لە سەرەتای ٢٠١١ ـشداSymbian ^4، کە دەستبەردرای ڕووکاری ئێستای دەبێت و تیایدا تێکهەڵکێشی Qt دەکرێت.
زانیاری زیاتر